Mae archwiliadau llygaid rheolaidd yn bwysig i gadw eich golwg yn glir ac i ddiogelu iechyd eich llygaid dros amser. Mae ein optegwyr profiadol yn cynnig archwiliad o safon uchel gan ddefnyddio'r dechnoleg ddiagnostig diweddaraf.
Rydym yn cynnig amrywiaeth eang o wasanaethau golwg llygaid cynhwysfawr.
Prawf llygaid preifat yw prawf llygaid rydych chi'n talu amdano eich hun. Mae'n rhoi archwiliad trylwyr a chyngor arbenigol i chi.
Perffaith os nad ydych chi'n gymwys i gael prawf GIG am ddim
Mae archwiliad llygaid WGOS yn brawf golwg am ddim neu wedi'i ariannu gan y GIG yng Nghymru ar gyfer cleifion cymwys. Mae'n gwirio'ch golwg ac iechyd eich llygaid, yn helpu i nodi unrhyw broblemau'n gynnar, ac yn sicrhau eich bod yn cael y sbectol neu'r driniaeth gywir os oes angen.
Mae prawf golwg WGOS 2 yn archwiliad llygaid ar gyfer problemau llygaid brys. Yng Nghymru, mae’n cael ei ariannu gan y GIG ar gyfer unrhyw berson sydd gyda problemau llygaid brys.
Mae optegydd sy’n Rhagnodydd Annibynnol wedi cwblhau hyfforddiant arbenigol i allu rhagnodi meddyginiaeth ar gyfer cyflyrau llygaid. Os ymwelwch â Rhagnodydd Annibynnol gyda phroblem llygad fel haint neu lid, gall ddiagnosio a rhagnodi triniaeth yn uniongyrchol i chi - gan arbed amser wrth ddarparu gofal cyfleus a chyflym.
Mae apwyntiad ffitio lensys cyffwrdd yn helpu i ddod o hyd i'r lensys cywir i'ch llygaid. Mae'n sicrhau bod y lensys yn gyfforddus, ffitio'n gywir i gadw'r golwg yn glir a'ch llygaid yn iach.
Mae prawf Golwg Gwan yn asesiad manwl a gynhelir i helpu pobol sydd â golwg sydd ddim yn gwella’n ddigonol gyda sbectol neu lensys cyffwrdd arferol. Nȏd yr asesiad yw dod o hyd i ffyrdd i wneud y gorau o’r golwg sydd ar ôl a cefnogi’r person i barhai fyw mor annibynnol a phosib. Gallwn hefyd eich cyfeirio at grwpiau cymorth a chyrff lleol am gymorth pellach. Nid oes tâl am y gwasanaeth yma.
Mae apwyntiad WGOS 4 Retina Meddygol yn asesiad manwl o gefn y llygaid - sef y retina. Pwrpas yr asesiad yw i wirio iechyd y retina i ganfod cyflyrau fel retinopathi diabetig neu dirywiad macwlaidd. Bydd yr optegydd yn esbonio’r canlyniadau ac, os oes angen, yn eich cyfeirio at offthalmolegydd yn yr ysbyty. Mae ein optegydd sydd â chymwyster retina meddygol yn monitro ac yn rheoli’r cyflyrau hyn, gan gydweithio’n agos gyda’r ysbytai llygaid lleol. Mae apwyntiad WGOS 4 Glawcoma ar gyfer cleifion sydd â, neu mewn perygl o ddatblygu, glawcoma.
Welsh 
English